The BASE nature (已結業)

今日黎到荃新天地，揀左呢間西餐廳，一入去已經覺得成間野好organic，好有自然氣息。檯面擺左一壺裝有綠葉既水，幾清新。我地叫左幾樣野，包括60度慢煮手撕雞漢堡，香煎日本刺身帶子配海鮮墨汁意大利飯，鮮花野莓芝士蛋糕，蜜糖桂花茉莉綠茶。樣樣野賣相都唔錯，最出眾係壺茶，茶壺底部有蠟燭，咁就唔怕茶會變凍。桂花蜜糖擺係旁邊，隨意添加，稍嫌甜左少少，建議唔洗落太多。茉莉綠茶好清新，茶味濃郁。朋友食手撕雞漢堡，我就食意大利飯，個汁幾creamy，除左三粒好堅既帶子之外，裡面仲有唔同種類既菜，不過由於碟野黑炆炆，咩都睇唔到，所以唔係好分到邊隻菜打邊隻，同埋食完個咀勁黑哈哈。最後個甜品好靚，個蛋糕好有層次，面頭係莓味啫喱，中間係芝士，餅底係消化餅。不過唔知點解個蛋糕有少少炸雞味LOL 整體黎講，呢間野無論係主菜，飲品，定甜品方面都幾出色，會再番黎！