海幸壽司 (已結業)

叫左個海壽司set, 同埋一個赤身壽司，奉送嘅前菜係大根 含め煮，多年前到訪此店，前菜都係冇變，但感覺上前菜比之前好，印象中之前嘅大根 含め煮，苦味頗重，有揸，今次個だし汁底做得好羅白冇渣，唔錯。平目壽司望落去係尾位有d干身，但入口都ok，感覺上切得厚左小小，同醋飯有d唔平衡。縞鯵脂肪量足，唔錯。赤身用剝片切法，食落去幾乎唔使咬，唯一美中不足就係師傅解凍完即serve，當天雪櫃冇赤身師傅係特登解凍，如果材料櫃有赤身可以一試。食落去需然冇冰但個溫差令人感覺唔太好。厚燒玉子係私伙野，但質素幾好，甜味夠，亦唔干身，不錯吃。