娘惹廚房 (已結業)

平日中午有時都多人，但員工會先下單，讓廚房整定先。餐廳坐位多，而且闊落。但餐廳出餐比較慢，要20-30分鐘。喇沙湯底好足料，咩道好似係新加坡食的差唔多。面底有摻摻/米線/米粉等（摻摻係米粉加油面）。第一次，叫左個海鮮喇沙米線，個湯已經滿足到我啦，有水準！D海鮮正正常常，分量都正常。另外，仲有自選餸菜的喇沙車仔面，自己選擇。佢每日都有四至五款不同的特價餐。第二次食左海鮮炒飯，微辣，味道到位。入面肉同飯的比例一半一半，八爪魚肉有手指尾一節甘大粒，所以都大方得體。唯獨無伴菜，營養不太均衡，賣相都欠吸引～印尼咖啡有點奶香，唔太苦，無酸味，可以一試。飲品係跟餐午餐先有，單叫咖啡會價D。試左同事的峇峇抄飯（有牛柏葉），都好好食，味道偏甜，炒得几香口，飯保持小小濕。牛柏葉爽口加上軟軟的炒飯，口感加強左。整體食物質素都為中上，係地道的醬汁，但fusion左的配料，几特別又吸引。環境都好舒適，適合一大班人或者一家大細或者單人，因為佢地有十几人長枱，四人枱同窗邊bar枱。