新南苑私房菜火鍋鷄煲 (華僑商業中心) (已搬遷) 新店位置

旺角咁多間雞煲邊爐，今次就經朋友介紹去咗呢間新南苑，而且地理位置方便，好近地鐵站。一入到去就先上咗份前菜，雞腳煮得好軟身好入味，同時亦都上咗生蠔同兩隻蟹，入面係勁多蟹膏！真係唔好睇佢好似細細隻咁。之後上咗個大辣雞煲配油炸鬼，每分鐘攪一次，攪四次就食得，店員都好細心會幫手，最後要落埋油炸鬼塊就食得，講真叫咗大辣都唔會太辣，大家都可以食到，雞塊大小適中，好多都無咩骨可以一口咬落去淡淡肉，爽，另外個油炸鬼配落雞煲真係好特別，吸收咗雞油嘅香加上獨特嘅口感同雞塊成鮮明嘅對比，令個雞煲提升咗一個層次。食完就可以換個煲打邊爐，本身會上牛頸脊同海鮮拼盤，夠新鮮～之後就自己再點火鍋料，叫咗必備肥牛、響鈴、牛柏葉，而蔬菜就係自己拎嘅，最後埋單個陣上埋甜品，大滿足！整體食物同服務都好好，好滿意，可以再嚟！