天丼てんや

营业中

休息中

當知道連鎖天婦羅店天丼てんや要登陸香港嘅時候，其實都幾開心，不過真係估唔到佢第一間舖係會揀喺青衣城開，呢間餐廳喺日本有超過200間分店，目前為止喺印尼、泰國同菲律賓已開設分店。睇落佢份menu，同日本舖有八成相似。如果唔鍾意食飯，仲可以揀素麵、蕎麥麵或者烏冬。點咗個巨星天丼，因為貪佢夠多款天婦羅。由於係即叫即炸，所以都需要等大嘅15至20分鐘到。虎蝦雖然唔算太粗身，但炸漿撲嘅厚度適中，香脆熱辣。有埋帶子同蟹柳，依個價抵食。整體嚟講性價比唔錯，可以翻兜。