必勝客 (已結業)

今日食咗pizza Hut, download佢個app會送好多coupon，好抵食。今日用咗晚餐買一第二個半價嘅coupon, 嗌咗兩個個人餐，包咗一個主食，一個湯同一杯野飲，野飲選擇好多！兩個餐一個係拿破崙珍珠帶子意粉，個意粉味比較淡，唔算特別，味道唔太好。另外嗌咗個pizza, 要咗厚批，pizza味道唔錯！飲品方面，叫咗一杯熱咖啡同朱古力，咖啡飲落好滑，值得一試！但杯朱古力味道好淡，試得出係用朱古力粉沖出嚟，下次要叫第二樣！湯要咗一個忌廉湯同菜湯。忌廉湯好濃同creamy!紅湯嘅料都充足。不過比起來，都係忌廉湯正啲！