聰嫂私房甜品 (已結業)

自從聰嫂甜品開咗好多分店之後，就唔需要再排隊等位好耐啦，但係我最鍾意都係嚟到呢個發源地寶琳，呢度食有回憶同埋我覺得係好味啲嘅。不過早排聽人講話聰嫂甜品加咗價，裝修過，之後就冇以前咁好食啦，所以今日就再過嚟試吓。我哋都係叫咗同以前一樣嘅兩樣野，一份龍眼冰，同埋一份榴槤水晶珠。其實味道來講，可能同以前真係差唔多，但係可能因為唔使排隊啦冇咁矜貴，就冇咁好食，唔知佢係真係冇咁好食定係心理作用呢，不過都唔係話真係好差嘅，其實榴槤水晶珠來講，我最欣賞佢就係真係有好大份榴槤肉喺度，二龍眼冰又真係好適合夏天去食有種透心涼嘅感覺，呢兩樣野都係無變到