壽司翔太 (已結業)

真係好食到難以置信😚😚，好耐未喺香港食過啲咁優質嘅魚生壽司， 呢個lunch menu絕對係抵食，因為只係250蚊你就試到好多款魚嘅壽司, 我叫了自選精選壽司午饍，即係响約25款裏面揀10款，貴少少就揀12款。其實見枱枱都揀12款㗎，可能係食過再番黎吧！我食咗深海池魚、海膽、 左口魚、鯖魚、赤貝 、油甘魚、鯛魚、穴子、平政同三文魚壽司。 每一款魚都有佢獨特嘅味道， 你會食到成塊肉嘅感覺，根本可以唔使點魚生豉油都得, 又或點少少吊吓味已經足夠，記得唔好點太多，因為佢嘅魚味全部都好突出嘅😋。十款裏面如你問我最讚係邊几款，我想話係深海池魚、海膽、 左口魚、鯖魚、赤貝 、油甘魚、鯛魚、穴子、平政，hahaha😃, 只係三文魚唔洗推! 但唔係因為佢唔好食，而係大家可以好放心食平時食唔到或唔認識既名字😋。這個蛋又滑又多粒!牛肉烏冬煮到九成熟，片得薄同好林，好有牛柳feel.麵鼓湯既豆腐滑到有入口快溶既感覺!