Running 燒 (已結業)

新一年緊係要見下舊朋友 想食好啲 決定book Running燒試下晚市放題兩小時 早左到但職員都好好俾我地入 明明星期三都見到差唔多坐滿人 好誇張！入坐之後 侍應自動上小食 同教我地點燒同其他韓國餐廳一樣都有泡菜 芽菜個啲 個泡菜唔會太甜又唔會太辣 係幾開胃嘅急不及待點野食望落唔算多款 但啲野食都感覺吸引嗌左好多肥牛 牛柳片 牛柳粒全部都好香牛味 出乎我地所料雖然五花腩 雞肉個啲都唔差 但相比牛 我覺得牛好好食好香炸物黎講 我地叫左炸雞 炸魷魚相當好食！尤其炸雞咬落唔會太厚粉 多肉汁 建議點黎試試！海鮮呢都多選擇喎 估唔到細細地嘅餐廳都會供應生蠔 不過可惜我同朋友都唔食就無辦法試味了 但我地都試左帶子 扇貝 蝦個啲 都唔差 平平地食個放題都算係咁架啦我同朋友都鍾意食蔬菜 對於依到啲菇 菜 椒 相當滿意 能夠燒完都仲係多汁仲係咁香真係好滿意 我地叫左好多轉菇 哈哈 鍾意食蔬菜嘅朋友都要試下呀好啦 講下啲重點先啦 啲燒肉好好好好食！舖頭啲辣醬唔會太辣 啲肉點落去再包菜食嘅時候 唔會遮左肉味 食落去好夾好滿足 舖頭都好好俾我地一籃籃菜咁叫 咁樣會更好食亦唔怕太肥膩太濟～ 我真係高度推薦啲牛