大快活 (已結業)

2016.12.08【12.8 為開始美好新一天加油打氣 】 學某議員，喺某老牌屋苑食早餐。有別於另一家快餐店，呢度早餐有得揀上海幼麵，撈麵。選擇好似多啲。叫咗肉燥銀芽撈麵同凍茉莉綠茶。肉燥銀芽撈麵早上都係唔會想食太多肉，呢個肉燥唔算多， 肉少 麵多，份量剛剛好。肉燥甜甜哋，銀芽好脆，拌撈麵，幾好。凍茉莉綠茶其他快餐店跟餐只有茶同啡揀，呢度有凍茉莉綠茶，所以當然要試試。清清口腔，減減肥膩。平平哋，為開始美好新一天加油打氣。