影片
更多
2017-01-20
235 浏览
2016年黎到最后一日啦，12月31啦，赖生又同屈小姐出街倒数啦！今日个天又劲靓，赖生同屈小姐去左行山，由湾仔行到香港仔，再番湾仔，超级攰，但影左好多靓相呀❤❤❤！行完之后，梗系要第一时间医肚啦！黎到湾仔，屈小姐又突然内心交战，谂紧向左走食饺子好，定向右走食泰国野好，呢D时候，赖生梗系要出手啦😌，等架车过埋之后，赖生就拖住屈小姐只手向右拔足狂奔啦，难得今日倒数，梗系要请屈小姐食好D啦！顺便多谢屈小姐呢一年照顾得赖生咁好麻！另一方面，新泰系屈小姐个To Eat List好耐嫁啦，佢一路都想揾fd陪佢食，今次由赖生化身大食fd陪佢食，KO个list啦！黎到新泰既时候都系7点半左右，可能今日倒数D人会迟少少食，我地即刻有位坐😆！新泰位于W plaza 2楼全层，地方好大，坐得好舒服，张枱都够大，放得晒我地叫既野食(注: 我地系比较大食既)，成间餐厅都好多泰国装饰，无论传统或者现代化都有！系我地张枱侧面果个系佛像水幕，几型格嫁！经过我地详细商议之后，我地决定左叫5样野黎食（其实只系得我地2个人）1）巴东牛𦟌 （4.5星）- 好正呀！个汁好浓嫁！点蒜蓉包食真系一流！至于味道呢，甜得黎得少少辣，比
黎到湾仔，屈小姐又突然内心交战，谂紧向左走食饺子好，定向右走食泰国野好，呢D时候，赖生梗系要出手啦😌，等架车过埋之后，赖生就拖住屈小姐只手向右拔足狂奔啦，难得今日倒数，梗系要请屈小姐食好D啦！顺便多谢屈小姐呢一年照顾得赖生咁好麻！另一方面，新泰系屈小姐个To Eat List好耐嫁啦，佢一路都想揾fd陪佢食，今次由赖生化身大食fd陪佢食，KO个list啦！
黎到新泰既时候都系7点半左右，可能今日倒数D人会迟少少食，我地即刻有位坐😆！新泰位于W plaza 2楼全层，地方好大，坐得好舒服，张枱都够大，放得晒我地叫既野食(注: 我地系比较大食既)，成间餐厅都好多泰国装饰，无论传统或者现代化都有！系我地张枱侧面果个系佛像水幕，几型格嫁！
经过我地详细商议之后，我地决定左叫5样野黎食（其实只系得我地2个人）
1）巴东牛𦟌 （4.5星）
- 好正呀！个汁好浓嫁！点蒜蓉包食真系一流！至于味道呢，甜得黎得少少辣，比起一般咖哩，相信呢个汁会更衬蒜蓉包，皆因佢系甜为主，夹番面包既微甜味道，易入口D，同埋佢稠过一般咖哩，加上D牛炆得好淋，真系会唔小心捞几碗白饭食肥几磅
- 不过呢，我地觉得佢似牛肉多过似牛𦟌㖞，虽然都系好味，不过改错名㖞！ 另外，入面都有好几件牛筋，系好惗好似啫哩果只，屈小姐最爱
2）蒜蓉包 （4.5星）
- 都好出色，焗到好脆同好热，仲超香蒜蓉味！食既时候小心D包包碎呀！
- 相信佢牛油涂埋底层仲正！(仲邪恶添)
3）铁板蚝仔蛋 （4星）
- 好大碟，蛋亦做得好厚身，完全包实D蚝仔，而且D蚝仔都粒粒饱满嫁！食落系好绵密既，质感就做得几好啦！只系单论味道呢，佢蚝仔既鲜味，唔太够，变左要靠佢比果碟辣酱去调味！可以改善下！
4）冬荫功炒饭 （4.5星）
- 好足料既炒饭，海鲜劲大粒，劲大只！有青口，鱿鱼同虾❤❤
- 味道就好特别，因为系冬荫功，成个饭都橙色既，食到好出既冬荫功辣味(唔系好辣既，所以屈小姐都食到)，最正系中间夹左好多金不换，辣得黎酸酸甜甜，几好食！
- 唯一一样扣分位，食完系成个碟底都系油既
5）生菜鱼肉包 （4.5星）
- 呢个𩠌系我地好奇心作崇之下叫左既⋯其实佢系一条鱼起晒肉切粒加蜜糖再炸，加入洋葱粒，青柠粒（连皮），花生粒，辣椒粒，蒜粒，同炸过既虾米拌成！，所以口感一流嫁！
- 味道就劲啦！鱼肉甜(因为面有蜜糖炸过)，青柠酸，辣椒既辣(注: 要小心一粒都已经好辣架啦)，虾米同花生既香，包埋生菜食落口真系超有层次同丰富，的确系开胃既
- 可惜呢类𩠌有个通病，生菜唔够/有D太细块好难包
- 同埋呢个真系好好好大碟，强烈强烈强烈建议人多先叫！(千祈唔好学屈小姐咁强行食哂，最后搞到胃痛同埋短期内唔敢再食泰国野住)
食完呢餐，真系剧饱呀⋯⋯，有下次嫁，不过要多D人黎帮手！最好一大班fds尼开大餐，就可以试多几样啦！
#又KO一间
#多谢妳呢一年黎既照顾
#倒数的约定
#勾手指尾打过印
#有新朋友陪我地倒数
#烟花好震撼呀
#下次我唔会咁蠢嫁啦🙈
#拔足狂奔果阵既妳笑得好灿烂
#暂时唔食泰国野住😂😂😂
巴东牛𦟌
$98
14 浏览
0 赞好
0 留言
蒜蓉包
$30
11 浏览
0 赞好
0 留言
铁板蚝仔蛋
$88
26 浏览
0 赞好
0 留言
冬荫功炒饭
$78
18 浏览
0 赞好
0 留言
生菜鱼肉包
$138
26 浏览
0 赞好
0 留言
张贴
