影片
更多
2010-08-09
89 浏览
平時行開灣仔、銅鑼灣果頭，假若係飲茶嘅話，之前就去華潤大廈嘅皇潮滙，皇潮滙結業後就去皇潮滙樓下嘅好彩，之後又轉咗去灣仔富臨。近來聽聞皇室堡嘅稻香品質唔錯，結果去試試!今日上到去都幾多人，要等位。咁我就走到去櫃枱前向知客示意攞票。跟住佢就指一指隔離一架座地嘅機器，原來客人係要自己禁個電腦觸控屏幕，選擇幾多位同搭唔搭枱，然後架機就會出張電腦票啦!幫襯過咁多酒樓，咁樣自助式攞票而唔係知客親手遞俾你，我都係第1次見，幾新奇!呢次係我第1次嚟幫襯，我認為質素的確唔錯，仲好抵食添!味道方面，今次2個人叫咗幾款點心、2碗貴妃雞米線，味道皆唔錯!食物包括1)大大碗貴妃雞米線:貴妃雞夠味夠滑，米線分量多，湯味較清淡!(2)香茜牛肉腸:味道唔錯，不過皮厚咗D!(3)金肚陳村粉:用料好，金錢肚靚，夠新鮮夠淋!陳村粉索咗有蒜香嘅汁幾好味!(4)蠔皇鮮竹卷:餡料唔錯，仲食到好多鮮蝦添!(5)炸煎堆仔:不過不失!(6)竹笙碗仔翅:味道唔錯，有D肉絲、粉絲、豬皮絲咬吓，算多料!環境方面，據我所知呢間稻香都係早幾個月前重新裝修，所以地方都頗為新淨，最唔好就係冇電視睇!佢嘅裝修比我嘅感覺都係較為富時代感同新潮!其實而家
味道方面，今次2個人叫咗幾款點心、2碗貴妃雞米線，味道皆唔錯!食物包括:
(1)大大碗貴妃雞米線:貴妃雞夠味夠滑，米線分量多，湯味較清淡!
(2)香茜牛肉腸:味道唔錯，不過皮厚咗D!
(3)金肚陳村粉:用料好，金錢肚靚，夠新鮮夠淋!陳村粉索咗有蒜香嘅汁幾好味!
(4)蠔皇鮮竹卷:餡料唔錯，仲食到好多鮮蝦添!
(5)炸煎堆仔:不過不失!
(6)竹笙碗仔翅:味道唔錯，有D肉絲、粉絲、豬皮絲咬吓，算多料!
環境方面，據我所知呢間稻香都係早幾個月前重新裝修，所以地方都頗為新淨，最唔好就係冇電視睇!佢嘅裝修比我嘅感覺都係較為富時代感同新潮!其實而家好多酒樓集團都會以豪華、高雅為裝修主題，目的係想做婚宴生意!有D酒樓向來裝修豪華，而做婚宴生意出名嘅就有皇上皇、彩福、煌府等，近排仲有富臨、明星、聯邦等酒樓都將環境華麗包裝，似乎越來越多酒樓都想做婚宴生意!我冧稻香品牌都係食火鍋為主，或者婚宴生意會俾另一品牌迎囍做啦!
服務方面，服務算唔錯，係唔主動收碗碟囉。某個服務員仲有適當嘅笑容添!如果各個服務員有多D適當嘅笑容就好啦!
衛生方面，碗碟、地下、洗手間都算乾淨!
抵食方面，茶位6元，各款點心及貴妃雞米線都平!
整體唔錯，食物質素唔錯，特價點心多選擇，而且價錢平!嚟得過呀!
张贴
