影片
更多
2010-08-09
82 浏览
回想起我無論係未裝修之前，淨係裝修之後嘅午飯、晚飯都成日幫襯明星。我向來知道明星嘅茶市有好多捧場客，咁大地方，未裝修之前都已經要等位。但自從明星裝修完重新營業後，客人比以前仲多咗好多。樓下等位嘅人太多，等位嘅地方直程企都冇得企，有時我要企上樓梯級，有時要企出門口添。而家飲2點鐘下午茶我要1點9就嚟攞票等位，每次都等成半粒鐘架。聽聞明星裝修完之後吸納咗附近酒樓D顧客，變相有D酒樓拍烏蠅，可見明星裝修完之後有好大嘅收益!今次又係同平時一樣同屋企人飲下午茶，質素同樣唔錯!味道方面，今次3個人叫咗幾款點心、炒粉一碟，味道皆唔錯!食物包括1)豉椒排骨炒河:幾惹味，排骨肉質好，河粉夠薄身!有青椒、紅椒、洋蔥等放面多色賣相唔錯!(2)豉味蒸排骨:幾入味，肉質新鮮!(3)柱候金錢肚:醬汁有D辣好香，金錢肚索到D醬汁幾入味，比以前淋咗有進步!(4)漿爆流沙包:相當好，食第1啖已經好流，夠蛋黃味好香呀!(5)蟹籽燒賣:肉質新鮮，味道適中!(6)煎釀青椒:煎得香口，隨附嘅醬汁好味!(7)煎堆球:大大件，漲卜卜，香口兼好味!(8)生滾咸雞粥:有幾件雞算料足，味道稍淡!(9)時菜鯪魚球:幾好味又新鮮，但係較多魚
味道方面，今次3個人叫咗幾款點心、炒粉一碟，味道皆唔錯!食物包括:
(1)豉椒排骨炒河:幾惹味，排骨肉質好，河粉夠薄身!有青椒、紅椒、洋蔥等放面多色賣相唔錯!
(2)豉味蒸排骨:幾入味，肉質新鮮!
(3)柱候金錢肚:醬汁有D辣好香，金錢肚索到D醬汁幾入味，比以前淋咗有進步!
(4)漿爆流沙包:相當好，食第1啖已經好流，夠蛋黃味好香呀!
(5)蟹籽燒賣:肉質新鮮，味道適中!
(6)煎釀青椒:煎得香口，隨附嘅醬汁好味!
(7)煎堆球:大大件，漲卜卜，香口兼好味!
(8)生滾咸雞粥:有幾件雞算料足，味道稍淡!
(9)時菜鯪魚球:幾好味又新鮮，但係較多魚骨!
(10)生煎鍋貼:煎得麻麻，似冇煎過，味道一般!
環境方面，呢次裝修佢話用咗2千萬，以豪華酒店式為主題。配埋一D先進設備，包括電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機，又有多部電視機等，佢比起好多酒樓算落本架啦。再加埋佢呢個鋪又夠大，整體我就覺得佢簡潔得來又幾靚。可惜有個不足之處，仲係死症，就係身處於舊樓中，柱多橫樑多，地方九曲十三彎，分咗幾個廳，看不通透，少咗某種氣派!其實明星唔係細，但因看唔通透，所以我地有個錯覺!
服務方面，服務都算唔錯，工作勤快。唯知客語氣麻麻，但咁多人等位，佢又亂又忙，係會躁D架啦。如果各個服務員有多D適當嘅笑容就好啦!
衛生方面，碗碟乾淨，地下就較多垃圾，洗手間地下濕咗D!
抵食方面，各款點心，豉椒排骨炒河都平!
整體唔錯，我成日去都係因為佢D食物、環境、服務、衛生各方面質素都唔錯，而且價錢化算!我認為嚟得過!
张贴
