影片
更多
2009-05-04
33 浏览
星期四，四月最後一日，但天氣竟然如秋天般，微風輕吹，身心都爽快。陪同太座與友人J解決舊屋交收之後，太座提議到和富道附近嘅「勝利小廚」晚膳。友人J發覺油麻地勝利道都有一家同名嘅食肆，係佢屋企嘅飯堂，小炒都唔錯。一問之下，原來此兩店係有淵源的，不過已經獨立經營。各人各自出主意，一共叫了六款食物：海南雞半隻($80)：雞肉鮮嫩唔太肥，而且隱隱然有點雞味。雞肉鮮嫩嘅竅門，就係要發揮慢煮嘅精神。海南雞正常做法係用雞汁肴成嘅湯煲滾，滾起熄火然後將雞放入，反複幾次將雞煮熟，雞肉才可以保持鮮嫩，需要嘅功夫時間頗多。相信「勝利」嘅廚房處理這海南雞時，一點都不馬虎，水準幾好；泰式滷水豬脾($50)：滷水豬脾炆得夠入味，豬肉組織已經變淋，入口咀嚼幾下已變得糜爛，屬必吃之選；豉汁大蜆($50)：蜆肉入口算彈牙，可惜有少許腥味，而且食落都有唔少沙，食材清洗比較馬虎，水準未如理想；香蒜炒西蘭花($32)：西蘭花用香蒜炒香，簡單易整嘅一碟菜，四平八穩；豬頸肉粉($28)：豬頸肉嫩滑爽脆係預期之內，湯底鮮甜，河粉食落亦爽口，各方面表現平均，值得俾一個笑臉；冬蔭公(小)($40)：用雪藏蝦入饌，未食已可猜想湯底唔會有用
各人各自出主意，一共叫了六款食物：
海南雞半隻($80)：雞肉鮮嫩唔太肥，而且隱隱然有點雞味。雞肉鮮嫩嘅竅門，就係要發揮慢煮嘅精神。海南雞正常做法係用雞汁肴成嘅湯煲滾，滾起熄火然後將雞放入，反複幾次將雞煮熟，雞肉才可以保持鮮嫩，需要嘅功夫時間頗多。相信「勝利」嘅廚房處理這海南雞時，一點都不馬虎，水準幾好；
泰式滷水豬脾($50)：滷水豬脾炆得夠入味，豬肉組織已經變淋，入口咀嚼幾下已變得糜爛，屬必吃之選；
豉汁大蜆($50)：蜆肉入口算彈牙，可惜有少許腥味，而且食落都有唔少沙，食材清洗比較馬虎，水準未如理想；
香蒜炒西蘭花($32)：西蘭花用香蒜炒香，簡單易整嘅一碟菜，四平八穩；
豬頸肉粉($28)：豬頸肉嫩滑爽脆係預期之內，湯底鮮甜，河粉食落亦爽口，各方面表現平均，值得俾一個笑臉；
冬蔭公(小)($40)：用雪藏蝦入饌，未食已可猜想湯底唔會有用鮮蝦肴般有蝦嘅鮮味。一飲果然如此，而且椰汁落得太多，令整個冬蔭公只有椰香味，既唔酸又唔辣，截頭截尾都唔可以稱之為冬蔭公，失敗之作，如果單以此論英雄，筆者可以斷言係不入流的。
可幸有其他菜式拉勻分數，總體評分不致淪為喊面，但距離笑面，還有一段路要走。全張單共二百八十六蚊，平均每人九十五蚊。
张贴
