源記甜品專家 (已結業)

享用了一餐豐富嘅日式料理之後，太座用嚟裝甜品嘅第二個胃發揮功效。「本陣」嘅甜品未能引起太座嘅興趣，所以筆者與太座轉戰至位於正街嘅「源記」。「源記」係一間有超過四十年歷史嘅老字號，筆者還在大學讀者時經常到這裡食糖水。此晚重臨，筆者與太座都各自叫了這裡嘅名物 – 杏仁露及合桃露。據說這裡嘅杏仁及合桃以一座用了數十年嘅石磨磨製而成，所以磨出嚟嘅杏仁及合桃顆粒十分幼細，整出嚟嘅糖水特別滑。筆者親身嘅體驗，杏仁露及合桃露果然十分滑，而且杏仁味及合桃味馥郁，屬上乘之作。太座則要求比較高，她說杏仁露比較稀，如果再杰一點更好，她還補充說銅鑼灣「一品齋」嘅出品便最接近她嘅要求。杏仁露及合桃露都係二十蚊一碗，雖則說經濟唔好，但此兩款甜品已經加了價。