影片
更多
2009-04-06
7 浏览
是日繼續與同事發掘上水區美食。「廣成」在上水區嘅受歡迎程度一向都係名列前茅，不少人都會長途跋涉前來一睹風采。此舊式茶餐廳以蛋治、牛肉通粉及紅豆冰聞名。是日筆者胃納有限，只好捨棄紅豆冰了。呢度嘅環境仲保留咗六、七十年代茶餐廳嘅格局。牆上還貼有市政總署勸喻不准吐痰嘅通告。牆上嘅餐牌相信自店舖開始經營已經存在，價錢位置當然有無數次改動嘅痕跡。食品選擇十分簡單，套餐只有早餐及茶餐，兩者都有牛肉通粉，分別只係早餐(下午一點前都有供應，果真非一般早餐)有烚蛋及鮮油餐包，茶餐就換成蛋治。牛肉通粉係即叫即整，所以牛肉嘅肉質很嫩滑，唔會話煮到老晒，亦保留原有肉質嘅彈性，相信未經梳打粉處理，不過牛肉味認真欠奉；蛋治麵包質地唔夠鬆軟，相信係麵包放得太耐、防潮功夫不足所致。炒蛋是僅僅熟，如啫厘般吹彈欲破，可見火喉控制上乘，可惜蛋味不濃。個人建議用泰國出產嘅CP蛋來炒，應該會有更好蛋味。至於菠蘿油嘅甜酥皮面鬆脆，不似一般硬得界口似的，牛油是一大塊的，不過牛油味不足，應該係用咗margarine，在注重健康嘅今天，這亦無可厚非，不過就要委屈一下味蕾了。奶茶沖得十分香滑，飲完之後口裡亦冇「鞋」嘅感覺，証明呢度嘅茶胆
呢度嘅環境仲保留咗六、七十年代茶餐廳嘅格局。牆上還貼有市政總署勸喻不准吐痰嘅通告。牆上嘅餐牌相信自店舖開始經營已經存在，價錢位置當然有無數次改動嘅痕跡。食品選擇十分簡單，套餐只有早餐及茶餐，兩者都有牛肉通粉，分別只係早餐(下午一點前都有供應，果真非一般早餐)有烚蛋及鮮油餐包，茶餐就換成蛋治。
牛肉通粉係即叫即整，所以牛肉嘅肉質很嫩滑，唔會話煮到老晒，亦保留原有肉質嘅彈性，相信未經梳打粉處理，不過牛肉味認真欠奉；蛋治麵包質地唔夠鬆軟，相信係麵包放得太耐、防潮功夫不足所致。炒蛋是僅僅熟，如啫厘般吹彈欲破，可見火喉控制上乘，可惜蛋味不濃。個人建議用泰國出產嘅CP蛋來炒，應該會有更好蛋味。至於菠蘿油嘅甜酥皮面鬆脆，不似一般硬得界口似的，牛油是一大塊的，不過牛油味不足，應該係用咗margarine，在注重健康嘅今天，這亦無可厚非，不過就要委屈一下味蕾了。奶茶沖得十分香滑，飲完之後口裡亦冇「鞋」嘅感覺，証明呢度嘅茶胆係經歷過數十年，不斷改良嘅結果。
總體上雖然可俾一個笑面，但除了奶茶之外，其他食品都係有啲遺憾，這是美中不足之一；其次係出餐時間比較耐，太肚餓的話可能會苦了肚子。
早餐與茶餐一樣係二十三蚊，菠蘿油六蚊一個，屬經濟之選。
张贴
