影片
更多
2009-03-02
42 浏览
筆者相信大多數人都有至少一間食肆經常幫襯，俗稱「飯堂」嘅食嘢聚腳點。响跑馬地，筆者都有一間，佢就係位於誠和道街市嘅「銖記」。翻查記錄，對上一次寫「銖記」原來已經差唔多三年前。是日又係陪朋友响跑馬地一帶物色租盤，不過今次係由太座負責，筆者只參與吃飯。一行六人，於大約八時到「銖記」。筆者呢班朋友對「銖記」已十分熟悉，唔駛睇餐牌已經決定要食乜嘢，雞腳一定唔少得，令外甜酸雞、椒鹽鮮魷、黃金蝦、紅燒豆腐亦係每次都會嚟食嘅菜式。太座想食蟶子，可惜剛巧賣晒，唯有揀豉汁炒蜆。朋友同老闆阿徐是飲酒朋友比較稔熟，想考一考佢，自創一味叫粟米班塊伴西蘭花，有點不倫不類，不過阿徐都落咗單，另外再加鹵水鴨舌共八樣餸。甜酸雞仍是有水準，甜酸度適中，只不過限於雞太肥，沒有雞肉味，食慾有點打折扣；椒鹽鮮魷嘅粉漿唔係太過厚，金香鬆脆，魷魚肉亦十分爽滑，唔會話炒得太熟而變得死實；黃金蝦蝦肉新鮮爽脆一點也不會「梅」，亦有不少蝦膏。不過黃金蝦應有嘅鹹蛋黃香似乎略遜，應該唔夠多鹹蛋黃之故；蜆有微微雪味，亦不肥美，冇鮮甜味，比較失色。講番朋友自創菜式，結果廚房整來西蘭花炒班塊，可惜炒得唔勻，部份班塊帶苦澀味(應是酒味)，部份一點味
是日又係陪朋友响跑馬地一帶物色租盤，不過今次係由太座負責，筆者只參與吃飯。一行六人，於大約八時到「銖記」。筆者呢班朋友對「銖記」已十分熟悉，唔駛睇餐牌已經決定要食乜嘢，雞腳一定唔少得，令外甜酸雞、椒鹽鮮魷、黃金蝦、紅燒豆腐亦係每次都會嚟食嘅菜式。太座想食蟶子，可惜剛巧賣晒，唯有揀豉汁炒蜆。朋友同老闆阿徐是飲酒朋友比較稔熟，想考一考佢，自創一味叫粟米班塊伴西蘭花，有點不倫不類，不過阿徐都落咗單，另外再加鹵水鴨舌共八樣餸。
甜酸雞仍是有水準，甜酸度適中，只不過限於雞太肥，沒有雞肉味，食慾有點打折扣；椒鹽鮮魷嘅粉漿唔係太過厚，金香鬆脆，魷魚肉亦十分爽滑，唔會話炒得太熟而變得死實；黃金蝦蝦肉新鮮爽脆一點也不會「梅」，亦有不少蝦膏。不過黃金蝦應有嘅鹹蛋黃香似乎略遜，應該唔夠多鹹蛋黃之故；蜆有微微雪味，亦不肥美，冇鮮甜味，比較失色。講番朋友自創菜式，結果廚房整來西蘭花炒班塊，可惜炒得唔勻，部份班塊帶苦澀味(應是酒味)，部份一點味也沒有。筆者食了一塊之後已轉投西蘭花懷抱。
今次每人平均花費一百零五蚊，屬於一般大排檔價錢，不過今次水準差咗啲，看在不俗嘅椒鹽鮮魷份上，只係比「ok」嘅評價已算是留有情面。
张贴
