發記甜品 (已結業)

星期三飯後，各散東西。太座甜癮發作，嚷著要食甜品。原來發跡於深井嘅「發記」已經衝出原地，過海登陸銅鑼灣。點了兩款招牌甜品：香蕉焗酥皮卷($35)用牛油酥皮包裹著香蕉及朱古力味嘅蛋糕。牛油酥皮薄而脆，一點油「益」味都冇，充滿牛油嘅芳香味。以香蕉入饌，是頗考功夫的，因為香蕉會因遇熱容易變酸，可是這裡冇呢個問題，香蕉仍舊保持清甜味道，筆者想會唔會係用香蕉直接卷上剛焗好嘅酥皮呢？(食友如知道其他方法，請不嫌賜教)。糖不甩($16)嘅丸子是呈黃色而非白色的，可想是丸子經過長時間侵泡在薑茶中而成，入口煙韌，索取了薑茶嘅甜中帶辣味，精神為之一振，加上沾在丸子外嘅白糖及花生碎，花生及薑茶嘅香交錯成上佳嘅糖不甩。平均廿六蚊嘅消費，吃得很滿足，甜品保持水準，希望日後唔好因為太多分店而形響甜品嘅品質控制。