影片
更多
2009-11-30
11 浏览
星期二，天氣回暖。在琴行街嘅公和變身成這間台式食店。是日試業，一個二個花牌放滿門前，好奇嘅路人也圍滿了門口。太座與筆者坐言起行，「以身試菜」。此店主力是台式飲品，也有幾款小食及四款麵類選擇。一看餐牌，老實說，感覺定位不清析。主理人既想有嘢飲，又想做埋食嘢，但選擇又唔多，廚房又細，有點吃力不討好，也未免太貪心了，弄不好反成兩頭唔到岸。新張期間，指定飲品特價十蚊，如是故點了宇治金時冰沙(加珍珠)及金賞珍珠奶茶，仲有免費嘅日式炸雞兩件。宇治金時冰沙，亦即是綠茶冰沙加紅豆。冰沙本身味道可以，不過溝埋紅豆之後變得十分甜，甜度控制還需要微調；珍珠奶茶則沒有類似問題，味道香甜，不錯。珍珠煙韌，是冇味的，如果能用上最初登陸香港那種有淡甜味嘅珍珠，更好。炸雞炸得很香脆，而且肉質嫩滑，是不錯的小食，用來下酒更好。也試了兩款麵食：豬軟骨烏冬($32)是豉油湯底，四平八穩，烏冬亦有咬口，太座都幾滿意；日式拉麵($28)則有改善空間，首先是湯底唔湯唔水，細問之下是用了豬骨餚製，再加麵豉醬。問題便來了，究竟是豬骨湯底還是味噌湯底呢？最弊是湯底既冇豬骨鮮甜味，又冇麵豉嘅鹹味。拉麵嘅質地還可以的，基本材料一應俱全。由
此店主力是台式飲品，也有幾款小食及四款麵類選擇。一看餐牌，老實說，感覺定位不清析。主理人既想有嘢飲，又想做埋食嘢，但選擇又唔多，廚房又細，有點吃力不討好，也未免太貪心了，弄不好反成兩頭唔到岸。
新張期間，指定飲品特價十蚊，如是故點了宇治金時冰沙(加珍珠)及金賞珍珠奶茶，仲有免費嘅日式炸雞兩件。宇治金時冰沙，亦即是綠茶冰沙加紅豆。冰沙本身味道可以，不過溝埋紅豆之後變得十分甜，甜度控制還需要微調；珍珠奶茶則沒有類似問題，味道香甜，不錯。珍珠煙韌，是冇味的，如果能用上最初登陸香港那種有淡甜味嘅珍珠，更好。炸雞炸得很香脆，而且肉質嫩滑，是不錯的小食，用來下酒更好。
也試了兩款麵食：豬軟骨烏冬($32)是豉油湯底，四平八穩，烏冬亦有咬口，太座都幾滿意；日式拉麵($28)則有改善空間，首先是湯底唔湯唔水，細問之下是用了豬骨餚製，再加麵豉醬。問題便來了，究竟是豬骨湯底還是味噌湯底呢？最弊是湯底既冇豬骨鮮甜味，又冇麵豉嘅鹹味。拉麵嘅質地還可以的，基本材料一應俱全。
由於試業關係，各店員皆詢問食客嘅意見，誠意可嘉。店員比較生手，落錯單、漏單嘅情況不時出現。希望主理人經過試業之後，再想一想，麵食可免則免，小食是可以繼續做的。
給一個笑臉，鼓勵一下。
张贴
