藤原豆花店 (已結業)

食過「好到底」後，大夥兒慕名而來，一享此店出品嘅豆腐花。此店命名乃參考自某日本著名漫畫「頭文字D」，店舖裡又果真放了一部仿漫畫中嘅皇牌賽車AE86。店舖外掛滿了此店嘅旗海，隨風飄揚，好不架勢。這些營商gimmick，確是有一定吸引力，筆者一等人都要於露天開枱進食。但真正留得著客人的，還是店舖嘅實力。問店員有什麼推介，答案是最原味嘅豆腐花($8)。也好，嚟一碗熱豆花，於微涼嘅秋風中進食，是一種享受。豆花以黃糖調味，入口比較硬身，不甚滑。據說這豆花是用鹽磯(正確學名待定)而非石灰粉做凝固劑，所以冇石灰做嘅咁滑，不過就健康一點。黃豆味淡淡的，不是兒時吃到般的香濃，但也是合格的。其他豆花嘅花款試了紅豆豆花($14)，紅豆粒算幾大，咬落結實有口感，也頗美味。友人試了豆花凍食，此店嘅處理手法特別。先將豆花攪爛，再加糖漿及冰粒製成類似飲品嘅東西，用飲管吸吮之。吸綴時只能飲到糖水，剩下豆花，筆者覺得是失敗嘅嚐試。