陶源酒家

营业中

休息中

陶源酒家嘅大閘蟹一向都出名，今次上網仲見到佢哋而家竟然有2小時嘅大閘蟹放題任食！ 喺OpenRice優惠星期一至四仲有81折， 十分抵食！

陶源大閘蟹放題分別有三種料理方法， 分別係清蒸，太雕蒸以及鹽焗大閘蟹，誠意十足，平日黎到都大排長龍，記得一定要訂位🤓

每款味道都叫咗少少零食，我個人超鍾意鹽焗大閘蟹， 鹹香味十足，另外大閘蟹雖然每一隻都大約三两重， 但真係隻隻都爆晒膏，隻隻都甘香回味，認真高質， 雖然場內好多人，但都冇漏單情況，只不過有時時間會等耐少少。

第二個回本位就係任食片皮鴨， 加上每人都會有一客鮑汁扣原隻鮑魚伴百靈菇、金湯小米燴遼參、蟹粉扒豆苗🤤 整體嚟講非常滿足。