非凡小廚 (已結業)

我好鍾意食片皮鴨，平時同屋企人都會喺酒樓食。但係男朋友上網搵到唔太貴嘅片皮鴨，佢就帶我去到非凡小廚試下。☺我哋六點去到，鋪頭唔算好多人。一去到店舖阿姨就斟茶比我地，因為我哋勁口渴，一去到就已經飲哂。之後我哋冇叫過阿姨，佢都會主動行埋黎斟茶俾我哋。服務態度好好，已經好少見到鋪頭會咁主動。👏🏻👏🏻因為我同男朋友都食好多野，嗌左片皮鴨都驚未夠飽，所以再嗌咗一個蜆蚧鯪魚球同白飯。埋單都係＄300，唔使加一。❤❤因為我哋嗌既都要等，不過又唔算耐。都只係等左20分鐘，就見到我既片皮鴨。片皮鴨有好多塊，啱啱好夠我同男朋友食。佢哋嘅麼麼同平時酒樓食嘅唔同，佢哋嘅麼麼比較薄。所以唔會淨係食麼麼就食到飽，仲更加容易食到片皮鴨，咬落去嘅感覺更加正。😝😝😝😝汁都同平時酒樓同餐廳既唔同，值得一試。之後個蜆蚧鯪魚球先係大驚喜，喺我男朋友仲沉迷緊片皮鴨嘅時候，我就食咗蜆蚧鯪魚球。佢個皮超脆，裏面又啖啖鯪魚肉，真係超好食。我即刻叫男朋友試下，佢都話超正超鍾意。一個野食哂成大碟。食咗碗飯同蜆蚧鯪魚球之後已經超飽，片皮鴨係兩食的，另外一食係銀芽炒鴨絲，我食咗呢小小，都好好食但真係超飽，所以打包左返屋企慢慢食。好滿足💕味