嚐味 (已結業)

愉景新城標榜親子樂園商場，所以有好多唔同類型既餐廳，仲有配合小朋友用膳既配套。尼間餐廳屬於東南亞，既有泰菜，亦有鋸扒餐，中餐，好多選擇。叫左2人餐($158)，凍飲加$3。分別有6個選項，每碟食物份量望落少，但款式多，可以一次過試幾款食物，食食下就飽。炭燒豬頸肉大約有6塊，肉質嫩，烤完都唔會乾，帶有肉汁。同平時食既差唔多。香茅雞翼即整熱辣辣，充滿香茅味，香口。不過得3隻，如果2人餐既話，份量應該以雙數為單位。泰式咖哩雞辣辣地，真係有泰國菜既風味，雞肉大件數量大約6至7件，仲加埋薯仔一齊煮。雜菌上湯浸時蔬就不過不失，夠健康，份量大。穀類食物揀左台式肉燥飯，雞油飯。大大碗既飯，面頭鋪滿肉燥，肥瘦適中，個人鍾意瘦dd既肉燥，感覺冇咁膩，所以尼到既肉燥ok，醬汁甜甜地。雞油飯既雞油香，米飯粒粒分明。飲品試左椰子雞湯，送上枱有椰子香，但飲落冇椰子味，雞味都好淡，椰子肉雖然有椰子香味，但個湯煲完雞味及椰子味飲唔出。冇飲到，哂左。整體，可以一次食幾款小菜。餐廳仲有好多飯麵類，全部都好吸引。而且環境舒服，夠寬落。服務亦唔錯，上菜速度快。