小火焰韓式咖啡廳 (金山樓) (已結業)

同朋友叫咗個明洞二人套餐，好抵食，前菜主菜甜品飲品包齊曬，我哋揀左香芒炸雞沙律，酸甜醬炸雞，雞肉肉質鮮嫩，有埋新鮮芒果同凱撒沙律汁好fresh，韓燒豬頸肉即叫即煎，加埋韓式辣醬好食，跟住迷你肥牛粉絲鍋配豬骨湯，呢個好高質，雖然話迷你但其實都十分足料，肥牛厚切好重牛味，較有口感，朋友揀左牛肉水冷麵都話好特別，平時外面韓式餐廳都未見過，有啲似流水麵，夏天食一流呀涼浸浸，最後黎個滑溜溜既牛乳奶凍做結尾，非常濃郁牛奶味，正，飲品巨峰乳酸特飲大力推介，巨峰提子果然好爽，又甜又好飲，讚！下次一定食埋石頭鍋飯❤️