築地日本料理 (結志街) (已結業)

今日接老公收工食飯，近近地喺老公公司附近都食，之後先返屋企。所以我哋嚟咗呢間餐廳度食晚飯，我哋叫咗個築地二人前套餐，啲魚生好新鮮呀，顏色都好靚，好吸引，仲要佢係切好厚身，食落去好有口感，厚身嘅刺身真係冇得輸！尤其是帆立貝，好爽口啊！壽司方面，海膽壽司勁讚阿！好濃郁嘅海膽味道，海膽入口即溶，加埋啲壽司飯食落去，好正啊！而烏冬呢，係手打嘅烏冬，好有彈性，勁正！燒物方面，全部都好好食，燒到啱啱好，未到唔會太咸，唔會話好重味道，我一啖佢一啖好快就食晒啦！呢個價錢，甘好嘅質素，真係超值阿！