風流居酒屋 (已結業)

其實食物質素可以，除左最後尾嘅2串雞腎唔熟，但服務態度非常惡劣 。2串雞腎同一齊上，我同朋友各食一串，一串4塊我食左第2塊之後，覺得口感有少少啫喱，朋友就咬開一塊嘅一半之後見到唔熟，我地即時擺低同服務員講唔熟，服務員見到唔熟之後問 : 另一串有冇唔熟？ 我 : 見到個串唔熟已經唔敢食服務員 : 咁我補返一串比你地就收走另一串，留低另一串( 可能覺得總數8件 ，我們每串各食左2件)成個過程一句唔好意思、對唔住 、sorry 都冇 ，都見唔到有一絲歉意，十分冷淡及漠視輕視。(雞內臟唔熟 我同朋友都好驚會肚痾)明白食品質素同服務生無關，咁嘅態度及處理方法，難道唔熟係我地顧客嘅錯？最後補返一串熟嘅雞腎比我地，另一串唔熟嘅雞腎依然要為佢埋單。3位埋單 $984 係大圍價錢唔屬於平，呢個價錢嘅居酒屋，服務態度竟然不如茶記🤢知道呢間店舖已經係大圍屹立好多年，食物質素好所以有朋友介紹，但咁嘅服務態度我絕無下次。