影片
更多
2018-07-18
96 浏览
今晚約咗個friend喺旺角睇世界盃決賽，考慮到加時可能要頂到差不多兩點，梗係要食個飽啲嘅餐。經過煙廠街見樓下哥哥仔派傳單，$188有個full course set，可以由頭盤食到甜品，即管試吓。【OYSTER/FOIE GRAS & STEAK SET $188】【海鹽脆香軟殻蟹(1隻)】頭盤有成隻軟殻蟹都幾難得，炸到口感鬆脆惹味，正。【生蠔海鮮拼盤】有太平洋生蠔、鮮蝦同松葉蟹棒。生蠔新鮮，鮮味十足。鮮蝦就十分爽彈，食完感覺好爽又透心涼。【頭盤-巴黎汁田螺焗薯蓉】初頭以為係一個金屬盤有六粒再加薯容嗰款，原來只有兩粒，不過焗得幾香。【頭盤-經典凱薩沙律】份量唔多但沙律菜夠新鮮，若果加多少少乾火腿粒味道就更豐富。【精選餐湯-龍蝦海鮮濃湯】雖然叫「濃」湯但味道真係啖咗啲，同埋係冇湯料。蒜蓉包外脆內軟，不錯。【主菜-炭燒美國西冷扒(8oz)】燒出嚟有深深嘅格仔坑紋，食落肉質都算鮮嫩多汁，叫五成熟燒到恰到好處。肉味配上炭燒獨有嘅微微焦香味，味道不錯。【主菜-炭燒西班牙黑毛豬肉眼配蘋果茸】另一款炭燒主菜，不過今次碳燒味就冇咁濃。望落啲肉仲有少少粉嫩，係特登唔燒全熟，咁肉質就更嫩滑juicy。碟
【OYSTER/FOIE GRAS & STEAK SET $188】
【海鹽脆香軟殻蟹(1隻)】頭盤有成隻軟殻蟹都幾難得，炸到口感鬆脆惹味，正。
【生蠔海鮮拼盤】有太平洋生蠔、鮮蝦同松葉蟹棒。生蠔新鮮，鮮味十足。鮮蝦就十分爽彈，食完感覺好爽又透心涼。
【頭盤-巴黎汁田螺焗薯蓉】初頭以為係一個金屬盤有六粒再加薯容嗰款，原來只有兩粒，不過焗得幾香。
【頭盤-經典凱薩沙律】份量唔多但沙律菜夠新鮮，若果加多少少乾火腿粒味道就更豐富。
【精選餐湯-龍蝦海鮮濃湯】
雖然叫「濃」湯但味道真係啖咗啲，同埋係冇湯料。蒜蓉包外脆內軟，不錯。
【主菜-炭燒美國西冷扒(8oz)】燒出嚟有深深嘅格仔坑紋，食落肉質都算鮮嫩多汁，叫五成熟燒到恰到好處。肉味配上炭燒獨有嘅微微焦香味，味道不錯。
【主菜-炭燒西班牙黑毛豬肉眼配蘋果茸】另一款炭燒主菜，不過今次碳燒味就冇咁濃。望落啲肉仲有少少粉嫩，係特登唔燒全熟，咁肉質就更嫩滑juicy。碟嘅近邊緣位置仲有一抹蘋果茸，蘸嚟食覺得蘋果茸嘅甜同肉味又幾夾，味道就更多變化。
【甜品-朱古力心太軟】朱古力味唔夠濃，好在中間係有流心效果(雖然係基本要求但唔係間間餐廳都做到）。
【甜品-法式焦糖燉蛋】燉蛋夠晒軟滑，蛋香濃郁，甜度適中。水準不錯。
呢個set嘅特點就係每個環節都有兩至三款菜式揀，而且餐廳座位都幾多，三五好友喺旺角行完街，上去叫返幾個set開心share就fit晒。走嗰時先見到，𨋢入面大大隻字寫住：晚市九點後入座仲有優惠全單75折，夜鬼都唔怕啦。
张贴
