二鍋頭 (福苑)

营业中

休息中

真係抵到你唔信，$188呢個價錢就可以任食，而且仲有雞煲加火鍋！當然立即試返個雞煲，雞煲叫咗微辣，雞煲一嚟到個味已經好香，店員會幫你炒下d雞，雞肉唔會好老，味道都幾惹味！湯底揀咗豬骨湯，有紅蘿蔔、粟米、豬骨都幾足料，仲帶點胡椒味。火鍋紙嘅配料基本上都算多選擇，另外仲有啲額外收費嘅特別食物可以選擇。出面拎咗炸魚皮，呢個必食！好新鮮香脆！出邊仲有好多蔬菜、公仔麵、響鈴、支竹、不同丸類等等。火鍋紙有不同嘅肉類，我哋仲叫咗牛肉、豬肉、羊肉及海鮮。我覺得豬肉比較好食，牛肉反而一般。羊肉都唔錯。海鮮有帶子、蝦、青口、蜆。環境唔錯，打邊爐平平哋都幾好。