儷廊咖啡室 (裝修中)

大佬請食午餐，竟然帶我地去食自助餐，九龍東方富豪酒店，自助餐位於酒店嘅地庫全層，海鮮方面有青口、蝦、翡翠螺，翡翠螺較為細隻，青口冇咩味，熟悉都有成30幾款，仲設有甜品區，無限添飲奶茶咖啡、檸檬茶、朱古力等，一部機自助形式，刺身方面：三文魚及油甘魚，三文魚非常新鮮及鮮味及厚切，正！壽司方面有帶子、鰻魚及玉子，但係唔係幾新鮮同埋壽司飯比較硬身，甜品方面都比較多，有一個係自製嘅格仔餅，好多配料可以加上去，有鮮忌廉，果仁碎、朱古力醬等，格仔餅，外脆內軟，正，雪糕仲有dreyer's牌子，有開心果，芒果，開心果非常好食、食到裏面有開心果碎，味道濃郁又香滑，熟悉仲有一個係特別之處喇沙湯麵，喇沙湯底有70分，本人覺得未夠濃郁，但可接受，迷你版葡撻一定要試試，外脆內系香濃嘅蛋蛋香味