龍寶酒家

营业中

休息中

最近成日聽到龍寶酒家賣廣告，$18.8一隻馳名燒乳鴿，成隻攞上手食又真係幾鬼盞。伙計送乳鴿嚟嘅時候已經聞到陣陣香味，乳鴿炸到皮脆肉嫩，熱辣辣🔥仲有煙出。酒樓應該係用雪藏乳鴿，所以肉味欠奉。（註：酒樓有提供手套及較剪給客人）另外，鮑汁花膠扣海參$78，同海參扣八頭鮑魚$78。海參煮得又淋又入味，但鮑魚同花膠就略嫌太硬，對於牙力唔夠嘅食客真係好係攪😆。牙力唔夠就為有食豆腐啦！呢碟豉汁南瓜蒸滑豆腐$58，係用包豆腐，所以黃豆香味較重，點D豆豉醬同豉油嚟送白飯，確實令人好開胃😊。老實講，呢到環境及衛生情況唔係太理想，但就可以食返傳統酒樓嘅菜式。