稻香 (蔚景園)

营业中

休息中

今日得一個原因嚟到稻香酒樓，就係試吓佢一個平通全港嘅早餐孖寶點心，睇吓質素如何。餐單上著名“老友記專享孖寶”，以為65歲以上先叫得，原來所有人都叫得，虛驚一場。共有十款點心你揀，我叫左個牛柳陳村粉和鮑片鮮竹卷，先講牛柳炆得唔夠淋，要俾啲力先咬到，如果老人家要有少少牙力，喜歡陳村粉不太油，亦不會太多汁浸住，味道不太濃，只有淡淡炆牛柳嘅味，我覺得合格。鮑片鮮竹卷就蠔油味較濃，鮑片只有小小兩片，鮮竹卷算正常發揮，可以一試。總結，整體味道可以，上枱時亦有温度，份量偏少，可能本身個餐嘅目標都係老人家，份量偏細合理。埋單＄18.8+茶錢$11再加一，都係＄33埋單，真係輕食嘆茶平價之選。