影片
更多
2022-12-25
83 浏览
最近終於通關，plan緊日本行程嘅時候見到好多燒肉店真係流哂口水，可惜旅行日子仲未到，忍唔住即刻搵間靚燒肉食下先！朋友推介呢間宮崎比我，話呢到食物質素非常高，同日本水準有得揮！我地揀咗「燒肉放題冬日限定餐單$1298/位」，有成150分鐘可以慢慢燒，唔洗擔心唔夠時間！呢到好多卡位，仲係落地玻璃可以睇風景，座位寬落，坐得好舒服！套餐包咗冬日時令食材：北海道白子、博多和牛牛腸鍋、燒仙台牡蠣、宫崎A5桜花牛稀有部位（牛柳及上後腰脊肉）、宮崎A5桜花牛壽喜燒、西冷/肉眼，仲可以無限追加6款宮崎A5楼花牛同埋60款日本食材，非常豐富！北海道白子好creamy，質感相當細滑，配上酸汁味道好夾。博多和牛牛腸鍋，真係第一次喺香港食牛腸，咬落煙韌幾得意，和牛牛肉幾腍，冬天食呢個鍋好暖笠笠呀！原隻燒仙台牡蠣，每隻都好大隻又飽滿，上面放咗香草牛油，味道香好多！接住係宮崎A5桜花牛，啲油花分怖真係超靚，非常吸引，望到己經好心花怒放！由較少油脂部位開始食，每牛質感都有少少唔同，整體都非常美味，和牛油香十足，令人回味無窮！呢塊西冷真係好驚喜，好大塊！本身仲擔心自己唔識燒，原來店員會嚟幫的地燒，好彩！果然要交比專業
我地揀咗「燒肉放題冬日限定餐單$1298/位」，有成150分鐘可以慢慢燒，唔洗擔心唔夠時間！
呢到好多卡位，仲係落地玻璃可以睇風景，座位寬落，坐得好舒服！
套餐包咗冬日時令食材：北海道白子、博多和牛牛腸鍋、燒仙台牡蠣、宫崎A5桜花牛稀有部位（牛柳及上後腰脊肉）、宮崎A5桜花牛壽喜燒、西冷/肉眼，
仲可以無限追加6款宮崎A5楼花牛同埋60款日本食材，非常豐富！
北海道白子好creamy，質感相當細滑，配上酸汁味道好夾。
博多和牛牛腸鍋，真係第一次喺香港食牛腸，咬落煙韌幾得意，和牛牛肉幾腍，冬天食呢個鍋好暖笠笠呀！
原隻燒仙台牡蠣，每隻都好大隻又飽滿，上面放咗香草牛油，味道香好多！
接住係宮崎A5桜花牛，啲油花分怖真係超靚，非常吸引，望到己經好心花怒放！
由較少油脂部位開始食，每牛質感都有少少唔同，整體都非常美味，和牛油香十足，令人回味無窮！
呢塊西冷真係好驚喜，好大塊！本身仲擔心自己唔識燒，原來店員會嚟幫的地燒，好彩！果然要交比專業嘅，燒到熟度岩岩好，夠哂軟腍，油香喺口腔爆發！
除咗和牛，其他食物都好多選擇，特別推介牛內臟同埋雞內臟！香港真係好少地方會有！
牛內臟嘅牛肝、牛肚都好值得食，牛肝勁香軟，encore左好多次！
雞內臟推介雞冠，勁爽口！仲有雞腎，又係好爽，正！
仲有雞皮，燒完好香脆，yummy！
呢到嘅廣島蠔超鮮甜，我地叫左好多round，粒粒都飽滿多汁，好味！
仲有甲羅燒都係估佢唔到，放題竟然有啲咁高質嘅野！啲蟹膏好多，燒到香噴噴再鋪上米通食，強烈推介！
仲有叫左唔少食物，飽到上心口，勁滿足！
最後緊係要叫埋甜品作結啦！
呢到竟然MOW日本雪糕都有得任食，平時買都唔平真係！抹茶味幾甘，仲有雲尼拿味都唔錯！ 自家製3.6特濃牛乳奶凍，都幾香甜，牛奶味濃郁，必點！
张贴
