影片
更多
2017-08-13
1988 浏览
今晚往葵芳新都會晚飯，有美女街坊話有間酒樓叉燒好味，於是約埋起試下~去到見到有三揀一優惠，包括特價$148半隻五指山燒乳豬，另外可選特價金沙美國桶蠔或薑葱麵包蟹~身為乳豬控的文公子，好自然遊說街坊食佢半隻豬~街坊話想食魚，於是搵左條1斤2的特價班。因為無蔬菜，想加一點纖維素，見到有鳳眼果配雞或排骨，難得在酒樓有又似乎就過造，於是就要了一客。豈料原來今日無供應，所以改柚皮鵝掌，心諗咁親民嘅選擇應該無咩問題，點知原來柚皮又係無。我決定放棄小菜紙所載，打開大本菜單搵，居然有$68一份鮑魚仔扣花菇，點知又無扣鮑魚仔，酒樓經理都覺得唔好意思，問我扣南非鮮鮑介唔介意，南非鮑都好~一於試試。乳豬相當香，碟頭還可以，不過應該唔足半隻，但似乎已經係酒樓不成文規矩。豬皮夠脆，整體味道處理得唔錯，只係略肥，唔係太健康，不過燒烤根本就唔健康啦！條班唔似1斤2，但蒸得唔錯，肉夠嫩滑只係未到蒜子肉層次。個鮑魚都算幾好鮑魚味，花菇夠腍亦算入味。呢間酒樓唔算好旺場，星期日walk in都有位。裝修，服務同食品質素算係咁，價錢近美心但啤酒就略嫌貴...如果有埋特價啤酒就會加分~
有美女街坊話有間酒樓叉燒好味，
於是約埋起試下~
去到見到有三揀一優惠，
包括特價$148半隻五指山燒乳豬，
另外可選特價金沙美國桶蠔或薑葱麵包蟹~
身為乳豬控的文公子，
好自然遊說街坊食佢半隻豬~
街坊話想食魚，
於是搵左條1斤2的特價班。
因為無蔬菜，想加一點纖維素，
見到有鳳眼果配雞或排骨，
難得在酒樓有又似乎就過造，
於是就要了一客。
豈料原來今日無供應，
所以改柚皮鵝掌，
心諗咁親民嘅選擇應該無咩問題，
點知原來柚皮又係無。
我決定放棄小菜紙所載，
打開大本菜單搵，
居然有$68一份鮑魚仔扣花菇，
點知又無扣鮑魚仔，
酒樓經理都覺得唔好意思，
問我扣南非鮮鮑介唔介意，
南非鮑都好~一於試試。
乳豬相當香，碟頭還可以，
不過應該唔足半隻，
但似乎已經係酒樓不成文規矩。
豬皮夠脆，整體味道處理得唔錯，
只係略肥，唔係太健康，
不過燒烤根本就唔健康啦！
條班唔似1斤2，但蒸得唔錯，
肉夠嫩滑只係未到蒜子肉層次。
個鮑魚都算幾好鮑魚味，
花菇夠腍亦算入味。
呢間酒樓唔算好旺場，
星期日walk in都有位。
裝修，服務同食品質素算係咁，
價錢近美心但啤酒就略嫌貴...
如果有埋特價啤酒就會加分~
五指山乳豬半隻
$148
22 浏览
0 赞好
0 留言
张贴
