影片
更多
2017-12-26
751 浏览
冬天約朋友食飯最好就梗係打邊爐啦，成日食任食火鍋真係食到有啲厭，有朋友就提議不如去試下粥底火鍋！粥底火鍋嘅選擇真係唔係好多，朋友就搵到呢間價錢唔貴而評價又高嘅粥底火鍋。睇地圖呢間舖頭嚟地鐵站好似唔係太近，但其實係地鐵站行過嚟太約八分鐘左右就到嫁啦！舖頭好細一間，不過係門口已經見到入面嘅五位枱度都滿座。食粥底火鍋既話就得一種選擇，就係每位$168（2100-淩晨價錢，1800-2100為$188），唔收加一，佢無一份menu，但會比返幾多人份量嘅餸你，會有十四碟餸（以圖為三人份量），分別係蟹、貴妃蚌、蜆、鮑魚、蝦、魷魚、蝦滑、魚滑、雞肉、魚、炸魚皮、油炸鬼、白魚蛋、菇同南瓜。海鮮、肉類同素都有齊！另外可以每人加$25要肥牛，不過我地驚食唔晒就無叫到。本身落落去既湯已經會有粥係入面，所以有時「不」返啲餸上嚟個陣都會「不」到埋啲粥一齊食，加左海鮮之後個粥同湯都更加甜。蟹入面仲有蟹膏！好鮮甜！蝦就每人一隻，蜆既份量對三個人嚟講都好足夠！魚滑都似係手工做。平時我都唔鐘意食鮑魚，不過佢地既鮑魚食落去好鮮甜又唔會好「銀」，所以都有食晒2隻！雞肉放左落湯後都好鮮甜！魚就有骨，所以就無食咁多啦。不過講到
睇地圖呢間舖頭嚟地鐵站好似唔係太近，但其實係地鐵站行過嚟太約八分鐘左右就到嫁啦！舖頭好細一間，不過係門口已經見到入面嘅五位枱度都滿座。
食粥底火鍋既話就得一種選擇，就係每位$168（2100-淩晨價錢，1800-2100為$188），唔收加一，佢無一份menu，但會比返幾多人份量嘅餸你，會有十四碟餸（以圖為三人份量），分別係蟹、貴妃蚌、蜆、鮑魚、蝦、魷魚、蝦滑、魚滑、雞肉、魚、炸魚皮、油炸鬼、白魚蛋、菇同南瓜。海鮮、肉類同素都有齊！另外可以每人加$25要肥牛，不過我地驚食唔晒就無叫到。
本身落落去既湯已經會有粥係入面，所以有時「不」返啲餸上嚟個陣都會「不」到埋啲粥一齊食，加左海鮮之後個粥同湯都更加甜。
蟹入面仲有蟹膏！好鮮甜！
蝦就每人一隻，蜆既份量對三個人嚟講都好足夠！
魚滑都似係手工做。
平時我都唔鐘意食鮑魚，不過佢地既鮑魚食落去好鮮甜又唔會好「銀」，所以都有食晒2隻！
雞肉放左落湯後都好鮮甜！
魚就有骨，所以就無食咁多啦。
不過講到最鐘意既一樣，就係平時打邊爐唔會食到既油炸鬼啦！事關呢度係食粥底火鍋先會有呢樣嘢，油炸鬼放左落湯之後真係好爽口，但又唔會好似鄉鈴咁浸到「林」晒，有啲似平時食西餐個包浸落西湯入面既感覺。
另外都好想讚下呢度既staff都係叔叔，全部都好親切有禮貌，又同我地傾下計，見我地唔知應該落邊樣先又會教我地，有時又幫我地「搞」下個粥底，以免啲粥會痴底。以呢個價錢嚟講，呢個服務同食物質素同份量嚟講真係好值，一定會再嚟食！
张贴
