和牛燒肉一郎 (荃灣廣場)

营业中

休息中

荃灣廣場新開左呢間和牛日式燒肉放題，慶祝朋友新工過左試用期，豪一豪，揀左C set，超多野食！一開始就會先上四盤肉肉，舟盛盒，桶盛盒，極上花盛合，是日寶箱，有和牛，牛，豬，雞同海鮮，不單止打卡靚靚，味道同質素都甚高，兩個人幾乎食唔晒，大胃王另外都可以用佢地QR Code 加點食物，有炸物，飯麵，泡菜，同埋有自助沙律吧，飲品吧，甜品櫃，多款日本牌子嘅雪條，一次係食唔晒！***是日寶箱：寶箱打開係和牛西冷，塊西冷比手板更大塊,上面仲有啲金箔，佈滿雪花相當吸晴🤩食落陣陣和牛油脂香味，唔洗點調味都已經夠滋味！極上花盛合：外型討好，一打開個盒就見到一朵朵捲成玫瑰形狀嘅和牛，賣相好吸引，好味之餘仲可以用嚟打卡👍入口同樣充滿淡淡和牛油脂香，肉既厚度亦適中，一啖一口好滿足。餐廳用嘅牛都有一定質素，完全唔韌，特別和牛雪花均勻，入口即溶，仲有QR code同編號可以check 番係日本邊度出產嘅和牛。