天 · 悠蔬食 (已結業)

我哋一行11人，所以就諗住叫12人套餐，但12人套餐需要提前1日預訂，店員好好，幫我哋問廚房邊款菜式可以整到。跟住就整合咗以下嘅菜式出黎。所有嘅菜式都好大碟，我哋當晚都食唔哂，要打包拎走。十二人宴席 ($4888)悠蔬食六式拼盤(素鵝、麻醬粉皮、烤麩、紅菜頭蘋果合桃、藜麥沙律、脆膳 (含蛋))松茸竹笙百合黃耳燉湯黑松露菌金菇炒芙蓉 (含蛋)黑松露蓮藕餅 拼泰式如餅 (含蛋)雀巢士多啤梨咕嚕猴頭菌 (可走蛋)黃咖喱野菜燴猴菇五仁百合炒有機蘆筍鮮雜菌煲仔飯鮮磨腰果露 配湯圓 (黑芝麻餡)悠蔬食特色糕點: 欒樨餅賀壽蟠桃蛋白 (芙蓉) 炒得好滑身，配料仲有蘆筍同甘筍。咖喱唔係好辣，送飯唔錯，配料都幾多，有西蘭花、椰菜花、蘆筍、猴頭菇、芋頭、彩椒、青瓜、香葉等。泰式如餅咬落有少少汁滲出黎，點埋泰式酸甜醬黎食幾開胃。欒樨餅係佛誕嘅時候先會有得食，呢到嘅欒樨餅整得好好食，有欒樨葉嘅清香味，質感帶有黏性，唔會好硬。