影片
更多
2007-09-09
14 浏览
原本打算尋晚(8-9-2007 Sat)再到鹿鳴春食我上次無緣食o既叫化雞,但攪手o係6-9-2007打去book枱話full晒,於是改book呢o度食餐為眾多九月份生日o既朋友們食o既飯局,當中包括我自己.11個人叫o左個8-10人餐加叫化雞.個餐有正確名稱唔係好記得)1.薰蹄醉雞唔錯,幾好味o既.2.海蜤頭有啲木耳同西蘭花伴住,幾爽,都唔錯.3.片皮鴨唔同鹿鳴春咁o係客人面前表演,而係o係裡面片好晒上枱.試吓先,個人覺得啲鴨唔太油,o岩o岩好.4.賽螃蟹上枱好靚,亞叔問我o地加唔加醋攪,不過冇人答,佢好快手就加o左同撈好晒,朋友都未o黎得切影相.佢調味都o岩o岩好喎,果然係有經驗.5.糖醋魚.上到枱,重以為係齋舖o既芋頭魚,因為賣相極似,但原來真係魚o黎.食落,炸得夠脆,不過好似冇乜魚味.6.唔知咩蝦球好大隻o既蝦球,好夠爽,不過冇咩蝦味.伴底o既腰果都夠脆,7.叫化雞唔會畀客人自己破開佢,只畀人望一望又拎入去廚房開,上枱lu.第一次食叫化雞,唔知裡面係咩o黎,問侍應叔叔,佢答係大菜,打開o左隻雞,香氣撲鼻,女性朋友C1話似裹蒸糉味.好,我要試喇,雞肉依然夠滑,味道適中.見其他人食
個餐有正確名稱唔係好記得)
1.薰蹄醉雞
唔錯,幾好味o既.
2.海蜤頭
有啲木耳同西蘭花伴住,幾爽,都唔錯.
3.片皮鴨
唔同鹿鳴春咁o係客人面前表演,而係o係裡面片好晒上枱.試吓先,個人覺得啲鴨唔太油,o岩o岩好.
4.賽螃蟹
上枱好靚,亞叔問我o地加唔加醋攪,不過冇人答,佢好快手就加o左同撈好晒,朋友都未o黎得切影相.佢調味都o岩o岩好喎,果然係有經驗.
5.糖醋魚.
上到枱,重以為係齋舖o既芋頭魚,因為賣相極似,但原來真係魚o黎.食落,炸得夠脆,不過好似冇乜魚味.
6.唔知咩蝦球
好大隻o既蝦球,好夠爽,不過冇咩蝦味.伴底o既腰果都夠脆,
7.叫化雞
唔會畀客人自己破開佢,只畀人望一望又拎入去廚房開,上枱lu.第一次食叫化雞,唔知裡面係咩o黎,問侍應叔叔,佢答係大菜,打開o左隻雞,香氣撲鼻,女性朋友C1話似裹蒸糉味.好,我要試喇,雞肉依然夠滑,味道適中.見其他人食過鹿鳴春o既都話乾,我未食過,所以唔可以作出比較,不過呢o度o既就唔乾.
8.火腿津白
火腿片唔多,津白夠淋亦嫩,OK.
9.砂鍋雲吞雞
侍應幫我o地分好,雲吞皮唔厚亦軟滑,內裡o既係豬肉丸,湯亦鹹淡適中.冬菇亦切到薄薄一片,幾掂.不過白菜就苦.
10.北京拉麵
好大碟,朋友食o左覺得好漏,好麵粉味,唔係幾好.而我只食o左少少,都覺得係咁.
11.高力豆沙
好似有幾個炸過龍,色澤深o左小小,不過都可以接受o既,由於我o地食o左個自攜蛋糕(蛋糕載於另一篇食評),因此高力豆沙就放涼o左,食時覺得豆沙餡唔夠多,個人覺得唔夠甜.
樣樣o野都好鬼死大碟,我o地都要將拉麵同叫化雞打包.唔係好食得吓o野同唔多男士o既就唔好叫呢個餐喇.
環境:
比鹿鳴春迫夾,枱貼枱.不過幸好我o地坐最入最角落o個張枱,有個布屏風隔著,都叫做坐得舒服.
保留中國舊式裝修,比鹿鳴春好睇好多.
服務:
亞叔係冇笑容對我o地又呼呼喝喝,朋友們都討論佢o既態度,不過算啦,老字號係咁o架啦,唔可以有太高要o架喇.
但之後口多多唔識死o既我,令佢變o左’冷面笑匠’風趣起來.
－朋友叫佢加水,佢好’掘’咁話’唔加’,嚇o左一嚇,不過都係加o左.
－o係最後佢要收我o地所有餐具,佢入到最入邊收o野,佢依然呼喝朋友遞畀佢,朋友都好驚咁畀佢,佢就話否則唔畀叉你o地食蛋糕,要你用筷子食,呵呵呵!
－而我o地自己分晒同食晒蛋糕後,佢好惡咁問邊個分o架?我都驚一驚,係咪想話我o地分得污穢?(其實都唔污穢)我指住男性朋友C,佢話:”唔預我o個份,唔請我食?講笑啫.”哈哈,呢個亞叔真係.
當中我o地預o左會被佢o地’趕’,都會有,不過就唔係太迫我o地o既,佢會好似去飲咁夾畀我o地.
要注意一點,呢o度唔收咭,只收cash.friend都冇情講啊,呵呵!
收費:另七支汽水,total:1,68X
张贴