101台式休閒餐廳 (小西灣廣場) (已結業)

行過成日見到101既台灣野幾抵食，我鐘意食牛肉面，女友又鐘意食麻辣同冷拌麵，咁岩101都有齊，咁就去試下啦！叫左古早牛肉麵同雞扒麻辣麻醬拌麵。牛肉麵湯底比平時食既深色，但味道不會過濃，蘿蔔大舊多汁又冇渣，有小小蔥係面增加香味，牛肉份量亦不算小。雞扒麻辣麻醬拌麵，麻香味非常夠，唔太食得辣既我就覺得太辣啦！雞扒煎得金黃香脆，邪惡既雞扒食落脆卜卜帶小小甜，好食👍🏻👍🏻2個餐包飲品，凍飲就加$2，叫左凍珍珠奶茶同蜂蜜綠茶，珍珠奶茶較甜奶味重，蜂蜜綠茶就剛剛好。