長洲平記

营业中

休息中

趁秋意涼涼地，同男友長洲出走一下，疫情港人未能外遊，果然迫到離島人山人海。繼早前食完魚蛋食埋甜品，再來這店一杯飲品啦，依間都有少少人龍的，但排一陣好快到，效率奇高~芒果巨無霸沙冰 $35諗住叫杯飲品二人分享，就揀左巨無霸級沙冰，仲想像緊1000ml有幾大杯時，店員就已經遞左俾我，真係超大杯，二人飲都有排飲。味道方面，好彩唔係太甜，否則甘大杯飲到尾應該會甜死，淡淡芒果味唔算好濃，飲下解渴都唔錯。oreo糯米滋 $15當島上間間店都打正旗號賣芒果糯米滋，見到依間有期間限定oreo味就梗係試下啦。 充滿期待咁咬落去。噢！皮太厚了，滿口只有糯米粉團，而餡料太少了，大失所望。