The Butchers Club (蘭杜街) (已結業)

一路都想試呢間burger...星期六點幾鐘去到...超多人...店內坐滿晒...又有人企o係出面食...入面好逼...而且好熱...我地最後都搵到個對住街o既位...我印象中o係facebook睇過唔止一款burger...但係問店員有咩burger佢又話只係得一款...佢地忙到完住唔想招味人...我再問佢又聽唔到我講乜...(d背景音樂真係太大聲...)唯有叫返$100 o個款...加$20薯條...等o左好一陣先有得食...$100一個份量其實真係細o左d...不過食落去真係好好味!!! d肉一d都唔鞋而且好入味~ 麵包個邊係好脆o既~ d芝士同煙肉完美地痴埋一齊~ 成個burger真係啖啖肉啖啖汁~ 真係值回票價~ 不過係咪真係連提o下secret menu都唔得呢?一定要人睇openrice睇晒有咩食先去叫?而且店內真係好熱...一邊食一邊出汗...又嘈...唔係好enjoy到...又有好多人等位...食完就要快快離開...o係香港稍為出名o既食店都係咁? 雖然個burger真係好好味...但係印象真係麻麻...睇嚟都係試o下其他wish list上o既burger先會再回來