影片
更多
2022-01-04
24 浏览
好鍾意食burger嘅我，今日又心思思想食，就去咗屋企附近嘅Hero‘s Friday 人氣漢堡包店朝聖，這家店標榜100%美國頂級純牛肉手工漢堡，每次經過都係好多人喺度買外賣，因為小店面積唔大，主要都係以做外賣為主。店舖門面已經好吸引，大大個hero圖案嘅公仔食住漢堡包，再望下大大個嘅Menu，好多唔同款式嘅burger 套餐可以選擇，而且仲有最新全港首創嘅班堡，用厚Pancake 夾住唔同嘅餡料，好創新好吸引💛套餐已經包左薯條同埋汽水，價錢真係好抵食，如果唔想食薯條仲可以加少少錢，upgrade轉蔥圈，薯角，甜薯薯條或者隨時炸雞粒，隨自己喜好選擇心頭好👍🏻👍🏻是日晚餐二人前🍔▪️雙層芝士漢堡 $66 （套餐包薯條和汽水）作為芝士控嘅我一定係選擇越多芝士越好，漢堡巨型厚身，首先嗰包係用牛油煎過，鬆軟香口，牛肉大大件好厚肉，肉質有咬口同彈性而且好Juicy ，食得出係手打，加埋兩塊融化咗芝士，蕃茄生菜，非常好味嘅一個傳統漢堡。🍔▪️隊長漢堡 $72 （套餐包薯條和汽水）這個漢堡材料豐富，有牛肉，芝士，煎蛋，煙肉，蕃茄，生菜，最欣賞佢嘅煎蛋仲係流心，煙肉煎到半軟半脆，仲有汁流出來，所有材料都
店舖門面已經好吸引，大大個hero圖案嘅公仔食住漢堡包，再望下大大個嘅Menu，好多唔同款式嘅burger 套餐可以選擇，而且仲有最新全港首創嘅班堡，用厚Pancake 夾住唔同嘅餡料，好創新好吸引💛
套餐已經包左薯條同埋汽水，價錢真係好抵食，如果唔想食薯條仲可以加少少錢，upgrade轉蔥圈，薯角，甜薯薯條或者隨時炸雞粒，隨自己喜好選擇心頭好👍🏻👍🏻
是日晚餐二人前
🍔▪️雙層芝士漢堡 $66 （套餐包薯條和汽水）
作為芝士控嘅我一定係選擇越多芝士越好，漢堡巨型厚身，首先嗰包係用牛油煎過，鬆軟香口，牛肉大大件好厚肉，肉質有咬口同彈性而且好Juicy ，食得出係手打，加埋兩塊融化咗芝士，蕃茄生菜，非常好味嘅一個傳統漢堡。
🍔▪️隊長漢堡 $72 （套餐包薯條和汽水）
這個漢堡材料豐富，有牛肉，芝士，煎蛋，煙肉，蕃茄，生菜，最欣賞佢嘅煎蛋仲係流心，煙肉煎到半軟半脆，仲有汁流出來，所有材料都好夾，呢個份量亦都大，女仔未必食得晒🤣
🍟跟餐嘅薯條都係大大份，即炸外脆內軟，熱辣辣，冇得輸
🍗▪️Hero 雞桶 $40 （細）
大食貪心鬼的我又想試埋炸雞🍗，$40有四件大大件嘅炸雞，包括兩塊雞扒同埋兩件雞全翼，炸到雞皮脆脆，肉質超滑，而且醃料鹹鹹香香，好入味，炸雞仲可以加配另外嘅醬汁，分別有芝士醬，蜂蜜芥末醬，泰式甜辣醬，燒烤醬，增添炸雞嘅風味，我全部都想試就全部要晒，我個人比較鍾意芝士醬同埋泰式甜辣醬，點炸雞真係好正💛💛
✨必須回訪的漢堡包店，暫時係我食過數一數二好食又抵食嘅，下次去頭號目標一定要食班堡✨
张贴
