Cup Of... (已結業)

位於荃灣小食店林立既路德圍，呢間果茶絕對係掃住街，一路食住小食、串燒，一路拎住黎飲既解渴消暑之選由於間唔中都會去荃灣，係網上見到有人講起，就決定試下呢間由荃灣站出發，沿天橋去路德圍，一落就係，係正掃街位置，相當方便。雖然呢度既果茶部份比起附近既貢茶、ComeBuy既飲品貴出10蚊左右，但絕對值！首先另外兩間連鎖店四圍都有（加上佢地d 飲料有時好伏…），但好味又大杯既果茶就唔係度度都有，cup of tea既果茶帶比我好大新鮮感，係估唔到既味第一次黎，試左青瓜遇上觀音兵，無記錯的話，成份有清新既青瓜汁、好有口感同甜度剛好既枸蒻，好有茶香既鐵觀音仲有牛奶。一杯最大既32蚊左右，分量不遜於其他奶茶店，但味道同獨特性絕對冠絕全場等候位置有d焗，不過並唔需要等好耐，行去買野返黎亦得。等左5分鐘左右，一杯外觀超靚既果茶就到手，要先撈勻係先飲，入口既味道同口感都超立體，有清新（青瓜）、有茶香（鐵觀音）、有口感同甜味（枸蒻）、有奶香，呢個配搭未試過，想像好似唔夾，結果好清香好好味兩個人share一杯，每人先十幾蚊絕對推薦，每次路過都有再買既衝動