小房子 (大南街) (已結業)

約左朋友星期六嘅12:00係深水埗行下。大南街附近比較多coffee shop同cafe，而友人同我都比較肚餓，想搵啲有主食嘅鋪頭食下野同坐下。未坐低 待應妹妹好好態度，介紹是日蛋糕同餐牌，同埋堂食只有75分鐘😳亦有最低消費8x蚊坐嘅位置係梳化，同張超矮餐枱係隔好遠，食野需要wu低身～兩人分別叫左一個素麵餐（$128）同飯團餐（$108），兩個餐都有各小食兩份。素麵餐個麵係日式白麵，配顏色好清，但味道好好好好鹹嘅鰹魚湯。細細碗一個女仔食都夠飽。飯團🍙好食，三文魚餡，都係偏鹹。但相對易入口。4款小食：有麵豉青瓜，得個幾塊薄片，半條迷你青瓜嘅份量都無😅😅北寄貝沙律，鹹到飛起，鹹到食唔完。蕃薯仔：放題貨色.....另外一款忘記左係咩，都係普通的小食🙂茶：原本都唔平，一個茶要$50起，加熱水要俾多$20😧😰😰😰其實已經限食75分鐘，飲多啖茶，都唔會坐你好耐姐...意見：食物鹹嘅程度係全日都好口渴....真係要改善下。同埋價錢set到有啲高，但食物質素同份量都不成正比....跟餐飲品亦都欠奉。友人同我都無意欲再去食。128大概可以有更好嘅選擇～令人懷疑真的會有回頭客嗎？唯一係冷氣幾大，出面熱辣辣