更多
2019-10-31
125 浏览
難得個竹升妹朋友返咗嚟香港,同佢由朝玩到晚,朝早去完飲早茶晏晝行左成日街,又到晚飯時間啦,今次帶佢食充滿着香港特色嘅樓下冰室!先望吓個煮食先,中式西式台式樣樣有,仲有我最鍾意食嘅咖喱啊!係咖喱啊!咁鍾意食咖喱嘅我梗係要叫返個金牌咖喱牛腩飯啦,上面寫明個汁係秘製,所以叫咗個試吓。其實樣樣都好想食😍食品都算平,主食,小食,菠蘿油西多士奶醬多等等等等都有得揀,充滿香港特色👍🏻我自己就揀咖喱牛腩飯啦,只要餐牌上面有咖喱實走唔甩,因為我好鍾意食咖喱😅送到上枱直頭wa左一聲,而家真係好少見到咁足料嘅茶餐廳,我個碗牛腩起碼夠兩個人食,舊舊都係肉唔係薯仔扮㗎!而且夠晒多汁,最鍾意咖喱汁撈飯!佢個咖喱汁真係勁香濃,椰香味更突出!鹹鹹地一啲都唔辣,牛腩炆得軟腍但略嫌偏瘦,飯粒質感煙韌,有飯味👍🏻👍🏻竹升妹就揀左煎蛋免治牛肉飯,重口味啱佢呀嘛🤣我哋share食,免治牛肉茄味同牛肉好match 之餘,相配仲會帶鬆肉效果,帶出肉質鮮美😍撈埋飯真係冇得頂!酸酸味好開胃!呢個不得了喇,呢隻瑞士雞髀好似係餐廳招牌菜,因為見到每枱食客都叫咗隻,我都唔執輸叫返就試吓!28蚊咋!勁大隻勁抵食喎!遠遠已經聞到香味!精粹係香甜
先望吓個煮食先,中式西式台式樣樣有,仲有我最鍾意食嘅咖喱啊!係咖喱啊!咁鍾意食咖喱嘅我梗係要叫返個金牌咖喱牛腩飯啦,上面寫明個汁係秘製,所以叫咗個試吓。
其實樣樣都好想食😍
食品都算平,主食,小食,菠蘿油西多士奶醬多等等等等都有得揀,充滿香港特色👍🏻
我自己就揀咖喱牛腩飯啦,只要餐牌上面有咖喱實走唔甩,因為我好鍾意食咖喱😅送到上枱直頭wa左一聲,而家真係好少見到咁足料嘅茶餐廳,我個碗牛腩起碼夠兩個人食,舊舊都係肉唔係薯仔扮㗎!而且夠晒多汁,最鍾意咖喱汁撈飯!佢個咖喱汁真係勁香濃,椰香味更突出!鹹鹹地一啲都唔辣,
牛腩炆得軟腍但略嫌偏瘦,飯粒質感煙韌,有飯味👍🏻👍🏻
竹升妹就揀左煎蛋免治牛肉飯,重口味啱佢呀嘛🤣我哋share食,免治牛肉茄味同牛肉好match 之餘,相配仲會帶鬆肉效果,帶出肉質鮮美😍撈埋飯真係冇得頂!酸酸味好開胃!
呢個不得了喇,呢隻瑞士雞髀好似係餐廳招牌菜,因為見到每枱食客都叫咗隻,我都唔執輸叫返就試吓!28蚊咋!勁大隻勁抵食喎!遠遠已經聞到香味!精粹係香甜滑溜既雞皮!重膠質又少脂肪,好正!
睇隻雞脾呈深啡色就知滷得夠時間夠入味啦!瑞士汁比較黏稠,甜度岩岩好,唔會有飽滯之感!
兒時至愛!奶醬多,最緊要多醬多煉奶!佢完全滿足到我,麵包金黃香脆加上粒粒花生脆上加脆!唔好以為好甜,我諗花生醬係無糖花生醬,又香又滑加埋煉奶甜到啱啱好!
最緊要仲有好多特色飲品,我就揀咗華田脆脆,竹升妹就揀咗紅豆冰。
大大粒紅豆同椰奶簡直Perfect match!紅豆煲到起晒沙!正!
呢杯華田脆脆又幾特別!好濃味上面d脆脆好正!有得飲又有得食👍🏻
张贴