峇峇娘惹 (淘大商場2期) (已結業)

又去到工人放假嘅一日，屋企冇飯食，瞓晏覺瞓醒都6:00 ，去外賣app度睇吓有啲乜嘢外賣自取平，就見到依家買滿$120有60%off, 抵到爛，嗌咗兩個一人餐，分別係豬香茅豬扒飯配南洋咖啡，另一樣係雞扒椰漿飯， 叫完呢兩樣嘢發現$10x ，仲見到有一張coupon買滿$110減$10 ，所以再叫多咗一個小食，牛油酥餅，另外奉送咖喱一兜，落樓下拎完10分鐘上樓，全部嘢都熱辣辣，杯咖啡未開過已經好香，椰漿飯好好食，屋企人都爭住食，咖喱調味好好，如果入邊有多啲薯仔就更加好，超級入味好好食，香茅豬扒都炸得幾好，但係雞扒就有啲乾，乾到插喉嚨，酥餅好難整得唔好食嘅，點埋咖喱冇得頂，非常滿意呢餐唔使做嘅晚餐🙏🏻🙏🏻🙏🏻啱晒無飯主婦