紅橋 (已結業)

除左抵食，好食都重要同女朋友去新世紀做yoga，但新世紀除左foodcourt，間間過百，經過行人天橋咪搵下下面有咩食。叫到呢間紅橋，裏面衛生，又唔係茶記，米線，餃子(食得太多)，100蚊有意粉燴飯，有餐湯，沙律，餐飲，咪試下佢沙律，餐湯正常，唔係重點。我叫左經典紅豆冰，嘩，好新奇，成個碎冰球加淡奶加紅豆，好足料。似食緊甜品多過飲品wor咁我咪賺左？省番餐甜品？帶子意粉同墨汁燴飯，又係大大份。 當中燴飯非常好食。其實上完菜，先知呢度份量好大，上埋雞翼同蝦多士時，已經覺得飽飽地。但蝦多士真係好吸引。你睇，幾多蝦？誠意十足。100蚊左右，呢啲份量，食物亦都誠意拳拳，味道不俗。扺食啦。