喺旺角朗豪坊附近，其實都真係好多嘢食，但係最令我驚訝嘅係，呢間茶聊。喺下面望上去都覺得佢個牌幾靚，但係估唔到入到去真係超級超級靚，裝修好精美，員工個個都好醒目好友善，所有嘢都好新淨，連個廁所都好衛生，有晒皂液俾我哋洗手。
羅宋餐湯：先睇佢個碟都覺得佢好有心思，亦都黎得好快，order左冇幾耐就到啦，謝謝。
煙三文魚黑松露炒飯：呢個係我食過最好食嘅黑松露炒飯，雖然煙三文魚份量適中，一定夠你食，而且係好好食。佢唔單止香，食落口佢啲黑松露同埋三文魚好夾，粒粒炒飯係細心炒過，有蛋包著飯，但也包着蛋嘅感覺，真係我食過咁多最好食嘅炒飯。
慢煮精選黑毛豬鞍配薯菜：黑毛豬按分量十足，厚切，肉質豐富，色香味俱全，唔單止份量滿足到我，佢真係好好食，食完之後好滿足。而且佢嘅薯菜都整得好好，佢嘅薯角係好脆口，食落口好豐富好好味，薯仔都揀得好好。
髒髒黑糖珍珠奶茶：估唔到出邊3~40蚊杯嘅台式飲品，呢度加十幾蚊就飲得到，仲要外表同出邊一模一樣，飲落口都覺得好好飲，一飲愛上。佢直情係令成個飯生色不少，好好食好好食之後，又有咁好飲嘅嘢，真係一個perfect match。
夠薑鮮奶：相信大家飲蘆薈飲品嘅時候，一定飲過粒粒蘆薈，除咗佢有得飲，仲有啲嘢咬下，口感好好。呢個鮮奶加咗薑粒，唔單止好䁔，又驅寒，而且有粒粒薑粒係入邊，有得食有得飲，好正㗎。推介！
