悅滿軒

香草麵包糠焗美國豬柳扒配蘋果蓉$118豬柳切開粉嫩，肉質嫩滑肉味濃，厚切令口感好好，生熟度掌握得好好，岩岩好熟又保留到肉汁，滿意！配菜亦花過心思，薯仔焗過，調味適中，露荀同南瓜同佢整微酸甜醬汁好夾，茄子都有驚喜，好入味。廚師係處理主菜配菜有用心，亦好欣賞佢蔬菜份量足夠，呢個質素絕對超值。法式紙包鱸魚$128煮鱸魚既時間岩岩好，魚肉唔會鞋唔會腥，吱少少檸檬汁已經好好食，墊底既薯仔同露荀沾到魚汁魚香會濕潤D，同鱸魚一齊既沙律佢Souce會甜D，同Starter食既沙律(用黑醋)又唔一樣，咁樣幾好，用既醬汁唔同，就唔會食到2次一模一樣既味道，係有心思既。我媽話呢個甜品超好食麵包烘過，微脆鬆軟，係好食既，所以覺得半塊太少了，daily soup亦都好飲，質感creamy 幾rich餐廳佈置幾有聖誕氣氛，採光度夠室內環境好靚，坐得鬆動座位舒適，食物水準高，真係無乜野好彈。