影片
更多
2020-12-03
1067 浏览
今日專登放假本身老公只係話入黎西貢影下相，點知原來佢SURPRISE我，一早BOOK左呢間既OMAKASE同我食!我地BOOK左6點~一入到去已經覺得成個環境氣氛都好有日本風味~我地揀左近師傅既吧台坐~可以一路欣賞師傅既刀功，又可同師傅交流~呢度有唔同既SET，我地揀左$1200果SET~包括有前菜3點，5款剌身、揚物、湯、5款壽司同甜品~一坐低師傅就同我地講今晚所有既食材同食物都係用白神山地之水沖洗同煮~可以保留食物既原味~真係又矜貴又用心~第一印象已經好加分!前菜3點有沙甸魚乾、鹽焗銀杏、沖繩水雲，沙次序要由鹽焗銀杏食起~燒得溫熱既銀杏食落口味道好鮮，少少咸調味已經好足夠~而沙甸魚乾炸成一塊，近睇見到一條條魚仔好得意~食落口鬆脆咸香~沖繩水雲我真係第一次試~水雲一條條滑溜溜，配埋個汁酸酸甜甜好醒胃~加埋切成條狀既大和芋增添爽口既口感~刺身方面有深海池魚薄切、北海道牡丹蝦、火灸熟成拖羅、金目鯛、北海道生蠔-令和之怪物成個擺盤勁靚，刺身新鮮已經不再話下，師傅仲用上食用花，令成碟刺身好似藝術品咁，其中一款係紫蘇花，比紫蘇葉更濃味~所以令呢碟刺身又睇得又食得~特別講下呢隻北海道生蠔-師傅
第一印象已經好加分!
前菜3點有沙甸魚乾、鹽焗銀杏、沖繩水雲，沙次序要由鹽焗銀杏食起~燒得溫熱既銀杏食落口味道好鮮，少少咸調味已經好足夠~而沙甸魚乾炸成一塊，近睇見到一條條魚仔好得意~食落口鬆脆咸香~沖繩水雲我真係第一次試~水雲一條條滑溜溜，配埋個汁酸酸甜甜好醒胃~加埋切成條狀既大和芋增添爽口既口感~
刺身方面有深海池魚薄切、北海道牡丹蝦、火灸熟成拖羅、金目鯛、北海道生蠔-令和之怪物成個擺盤勁靚，刺身新鮮已經不再話下，師傅仲用上食用花，令成碟刺身好似藝術品咁，其中一款係紫蘇花，比紫蘇葉更濃味~所以令呢碟刺身又睇得又食得~特別講下呢隻北海道生蠔-師傅話佢個名叫令和之怪物，SIZE超巨!一見到已經流哂口水!上面配上蒜泥蕃茄汁~又鮮又甜~回味無窮!
雜菜蝦天婦羅
之後黎既係雜菜蝦天婦羅，炸得脆身而不油膩，配埋特式既炭鹽食，又香又脆絕對冇人可以抗拒~
蜆肉清湯
食到呢度都半飽，師傅送上蜆肉清湯清一清口腔~蜆肉細細隻，勝在冇沙又易食~湯底清清地可以一解頭先食炸物熱氣既感覺~
然後就上壽司~包括有北海道帶子壽司、金線鯛、黑目魚、中拖羅、北海道海膽~配上今期限定既透明豉油，比起平時食既豉油淡味D，更能夠食到壽司既原味~壽司飯既調味適中，師傅掐握壽司飯亦好多功架，令到壽司唔易散開!
十勝紅豆蓉白豆乳、蕨餅
最後一道甜品係我最期待既，師傅準備左十勝紅豆蓉白豆乳同黃豆粉蕨餅~白豆乳好似豆腐咁滑溜溜，配埋甜甜既十勝紅豆蓉超夾~而黃豆粉蕨餅煙煙韌韌~甜度適中~超級大愛AH~~
张贴
