二少門 (已結業)

🦐100公斤蝦頭煲成66碗濃蝦湯見到上面嗰句我就毫不猶豫入咗去試吓🤣呢間係新開嘅，咁啱經過旺角嘅時候見到，地方都好乾淨企理✅價錢合理，仲見到佢而家做緊限量半價海鮮濃蝦湯麵⭐️🦐海鮮濃蝦湯麵每碗濃蝦湯有1.5公斤蝦頭精華，店舖每日新鮮熬製，上面仲有好多櫻花蝦。飲落去湯底冇味精，好濃嘅蝦味，麵條煙煙韌韌，仲有一隻鮑魚、兩隻帶子、半隻溏心蛋。💫+$18套餐要咗炸蝦角+霸氣玉油柑炸蝦角肥嘟嘟咁，入面滿滿嘅蝦肉，外面嘅皮好薄同埋脆。玉油柑有少少柑香亦都有少少話梅嘅味道，我覺得幾開胃幾清新。🍜牛寶寶蝦汁拌麵基本上用嚟撈麵嘅湯都係一樣係蝦湯，上面兩塊牛肉差唔多七成熟，肉質啱啱好一啲都唔靭，反而牛腩有少少失色。🍃+$18套餐要咗脆炸豬手粒+百香果梳打豬手粒好大粒，如果脆漿再薄少少就好啦。🌿香鹵台式鴨舌 啲肉好爽，都算大同埋多肉，味道啱啱好，又有少少辣辣地好惹味。